A investigadora posdoutoral Ana Arias gañou o VIII Premio á Mellor Tese Doutoral da Cátedra AgroBank ‘Calidade e Innovación no Sector Agroalimentario’, promovida por CaixaBank e a Universidade de Lleida. Este galardón recoñece a excelencia da súa investigación en materia de innovación, calidade e seguridade agroalimentaria polo seu traballo: “Turning biowaste into bio-materials and bio-active products: A domain of circular economy” A súa tese dirixida polos IPs de CRETUS Maite Moreira e Gumersindo Feijoo e defendida no 2023, estaba centrada no aproveitamento de biorresiduos no marco da economía circular. Este traballo destacou entre as 67 candidaturas presentadas de 13 comunidades autónomas.
Na súa tese Ana avaliou residuos dos sectores alimentario, agrícola e forestal dende o punto de vista da sustentabilidade e da circularidade. A investigadora ofrecía solucións innovadoras para xestionar e transformar estes residuos, que supoñen un problema tanto para o medio ambiente como para a saúde humana, en produtos útiles e sustentables, a través de modelos de produción máis sostibles que fomentan a economía circular.
Moitos parabéns Ana!!
