Do 12 ao 14 de marzo, CRETUS estará presente no maior evento europeo de I+D+i e transferencia de coñecemento, xunto coa Axencia Galega de Innovación (GAIN), axente promotor da participación do ecosistema galego de I+D+i no Foro. A Axencia GAIN reunirá no seu stand institucional a máis dunha vintena de entidades e centros galegos do tecido innovador e investigador co obxectivo de facilitar oportunidades de colaboración á investigación e innovación que se fai en Galicia.
Este foro é un lugar de encontro clave para profesionais de diversos sectores, dedicado á transferencia de coñecemento, á mellora da competitividade empresarial e á creación de oportunidades de negocio e networking. Os seus eixos temáticos son o talento, o desenvolvemento científico-tecnolóxico, o acceso ao investimento e as oportunidades de negocio.
