Comprácenos anunciar o 7th IWA Resource Recovery Conference que se celebrará en Santiago de Compostela do 7 ao 11 de xuño de 2027.
Organizada por CRETUS en colaboración co Resource Recovery Cluster, este evento internacional de primeiro nivel reunirá a investigadores, líderes da industria, provedores de servizos, responsables políticos e profesionais para avanzar na recuperación de recursos na intersección da xestión de augas residuais e a economía circular.
Baixo o lema «Bringing Circular Value Chains to Life», a conferencia centrarase en traducir ideas innovadoras en solucións prácticas e escalables que xeren valor para a sociedade, a industria e o medio ambiente.
A IWA Resource Recovery Conference é un evento internacional consolidado no campo da recuperación de recursos de fluxos de augas residuais. Tras edicións exitosas en Shenzhen (2023), Istambul (2021), Venecia (2019), Nova York (2017) e Gante (2015), o congreso chega a Santiago de Compostela co obxectivo de reunir a uns 500 profesionais, garantindo unha representación equilibrada entre o mundo académico e a industria.
O Comité Organizador, presidido pola investigadora principal Marta Carballa, está composto por un equipo de dez membros de CRETUS.
Sitio web: IWA Resource Recovery Conference – June 7-11 2027 Santiago de Compostela
LinkedIn: https://www.linkedin.com/company/iwa-rr-2027/
Agardámosvos en Santiago de Compostela!
