Jorge González-Rodríguez, Aly Castillo Zamora, Cristina Candal Pedreira, Julia Rey Brandariz e Beltrán Puentes Cociña recolleron hoxe os seus 𝗣𝗿𝗲𝗺𝗶𝗼𝘀 𝗘𝘅𝘁𝗿𝗮𝗼𝗿𝗱𝗶𝗻𝗮𝗿𝗶𝗼𝘀 𝗱𝗲 𝗗𝗼𝘂𝘁𝗼𝗿𝗮𝗺𝗲𝗻𝘁𝗼 xunto co resto das persoas premiadas nun acto institucional celebrado no Colexio de Fonseca.
A cerimonia, presidida pola reitora da USC, distinguiu as mellores teses de doutoramento defendidas durante o curso 2023/2024. Este recoñecemento ten un valor especial polo elevado nivel de competencia da convocatoria, preto de 130 candidaturas recibidas.
Resultados destacados
As investigadoras e investigadores do centro acadaron resultados moi destacados nas súas respectivas subáreas de coñecemento, obtendo algunhas das mellores cualificacións da convocatoria nun proceso altamente competitivo:
- Julia Rey, obtivo a máxima cualificación de toda a convocatoria (100 puntos) en Ciencias da Saúde.
- Cristina Candal, a segunda mellor puntuación en Ciencias da Saúde (95,09).
- Jorge González, mellor puntuación na subárea de Enxeñarías (97,04).
- Beltrán Puentes, recibiu o único Premio Extraordinario concedido na subárea de Dereito das 7 candidaturas presentadas.
- Aly Castillo, distinguido na subárea de Química e Tecnoloxía Química dos 16 presentados para esta área.
Moitos parabéns aos cinco!
