PERSOAL CRETUS
Almudena Hospido Quintana
• Profesora Titular
• Departamento: Enxeñería Química
• Centro: Escola de Enxeñaría Química (ETSE)
• Grupo de Investigación: Grupo Biotecnoloxía Ambiental (BIOGROUP)
• Tel.: +34 8818 16797
• Email: almudena.hospido@usc.es
• Web Grupo: https://biogroup.usc.es
• Web persoal: https://biogroup.usc.es/users/almudena-hospido
Bio
Profesora titular do departamento de Enxeñería Química desde Febreiro de 2013 e Vicerreitora de Internacionalización desde Setembro do 2015 ao 2018. Os meus labores de investigación céntranse no ámbito da Xestión Ambiental, e en particular no desenvolvemento e aplicación de diferentes metodoloxías de avaliación de produtos e procesos máis sostibles (Análises de Ciclo de Vida, pegada de carbono e pegada hídrica). Esta actividade investigadora materialízase na publicación de máis de 50 artigos científicos en revistas internacionais (42 con SCI), e oito capítulos de libros, ademais de máis de 70 contribucións a congresos (maioritariamente internacionais). Así, a actividade investigadora para o período 2003-2015 ten un indice H igual a 19 e conto con dous tramos da actividade investigadora avaliado positivamente (2003-2008, 2009-2014) pola CNEAI.
Participei en varios proxectos de investigación tanto a nivel autonómico, como nacional e europeo (destacando a coordinación do proxecto ENERWATER (www.enerwater.eu), primeiro proxecto coordinado pola USC no programa Horizonte 2020) e diversos contratos de investigación con diversas empresas (Aquagest, Conservas Calvo, Feiraco etc.)/ etc.) e organizacións (FAO).
Neste tempo hei ademais codirigido dúas tese doutoral no marco do desenvolvemento do ACV e a súa aplicación ao sector do tratamento de augas residuais, e na actualidade superviso tres máis. Son editora da sección “Wastewater treatment and management” da revista “International Journal of Life Cycle Assessment”, ademais de revisora de diversas revistas científicas de ámbito internacional.
Liñas de Investigación
• Xestión ambiental: aplicación e desenvolvemento de diferentes metodoloxías de avaliación de produtos e procesos máis sostibles
– Metodoloxías: Análise de Ciclo de Vida, Pegada de Carbono, Pegada Hídrica
– Sectores de aplicación: produtivos, por exemplo sector de alimentación e de bebidas, e de servizos, por exemplo tratamento de augas residuais e xestión de residuos
• Nexo enerxía
– auga: Eficiencia enerxética en tratamento de augas residuais urbanas