PERSOAL CRETUS

Andrés Baselga FRAGA

Profesor Titular
Departamento: Zooloxía, Xenética e Antropoloxía Física (Área de Zooloxía)
Centro: Facultade de Bioloxía
Grupo de Investigación: Laboratorio de Biogeografía (BiBiCI)
Tel.: +34 8818 13278
Email: andres.baselga@usc.es
Web Grupo: Biodiversidade, Bioxeografía e Conservación Integrativa (BiBiCI) 

   
   
 

A partir dun interese inicial pola historia natural, en particular polos escaravellos, comecei a miña carreira investigadora cun doutoramento sobre taxonomía de Chrysomelidae. A partir dese coñecemento sobre a asombrosa diversidade das comunidades de escaravellos, ampliei os meus intereses de investigación á bioxeografía e a macroecoloxía. A miña principal contribución é o desenvolvemento de métodos novos para medir os cambios na composición das comunidades biolóxicas (diversidade beta). Como mostra do profundo impacto destas contribucións no campo, o artigo que iniciou esta liña de investigación (Baselga 2010 Global Ecol. Biogeogr.) acumula >2500 citas (Web of Science). Outra contribución importante é un marco predictivo para estimar a contribución relativa da limitación da dispersión e o nicho ecolóxico nas comunidades biolóxicas, a través da avaliación da diversidade beta en múltiples niveis xerárquicos, desde variantes xenéticas, a clados intraespecíficos e especies (Baselga et al 2013 Nature Comm.; Baselga et al 2015 Global Ecol. Biogeogr.; Baselga et al 2022 Ecography).

Liñas de Investigación

• Métodos de análise da diversidade biolóxica: Como medir a diversidade biolóxica e as diferenzas entre comunidades biolóxicas?
• Bioxeografía e macroecoloxía: Como se distribúe a diversidade biolóxica no planeta e por que?
• Modelos de distribución de especies e cambio global: Podemos predicir as respostas da diversidade biolóxica ao cambio global?
• Taxonomía de coleópteros: Por que hai tantas especies de escaravello, como son?