PERSOAL CRETUS

Ángeles val del rio

Enxeñeira Química (Universidade de Santiago de Compostela (USC), 2006) e doutora en Enxeñaría Química e Ambiental (USC, 2012) coa tese titulada “Sistemas aerobios de biomasa granular: un desafío para un mellor tratamento de augas residuais e xestión de lodos”. Durante os seus estudos de doutoramento, realizou unha estadía no Laboratorio de Biotecnoloxía Ambiental (INRA, Narbona) para estudar a xestión aeróbica de lodos granulares mediante pretratamento térmico e posterior dixestión anaerobia. Durante o período posdoutoral realizou estadías no estranxeiro na Universidade Nacional de Irlanda (Galway), para estudar lámpadas UV avanzadas para a desinfección de augas residuais, e na Universidade do Minho (Braga), para estudar a aplicación da Análise Quimiométrica da Imaxe como ferramenta para o seguimento de lodos granulares en sistemas de tratamento de augas residuais. A súa investigación no Grupo de Biotecnoloxía Ambiental (BioGroup) céntrase no tratamento biolóxico avanzado de augas residuais e residuos urbanos e industriais con recuperación de produtos valiosos (como biogás, biopolímeros e auga para a súa reutilización). Os procesos estudados inclúen lodos granulares aeróbicos, microalgas, anammox e producción de polihidroxialcanoato (PHA). Dende 2023 é Profesora Titular do Departamento de Enxeñaría Química da USC.

Liñas de Investigación

• Tratamento de augas residuais e valorización de recursos

– Desnitrificación autótrofa de augas residuais urbanas e industriais (procesos Anammox)
– Reactores aerobios granulares
– Fotobioprocesos con microorganismos autótrofos e heterótrofos

• Biorrefinería

– Produción de biopolímeros: desde augas residuais ata biopolímeros