Aplicación de estudos de risco ecolóxico na integración de expedientes para a defensa do territorio

O martes 6 de maio, ás 12:30 horas, Omar Arellano-Aguilar, profesor da Escola Nacional de Ciencias da Terra da UNAM (Universidade Nacional Autónoma de México), impartirá un seminario no CRETUS sobre a aplicación de estudos de risco ecolóxico na integración de expedientes para a defensa territorial. A investigación do profesor Arellano-Aguilar céntrase no risco ecolóxico, a ecotoxicoloxía acuática e o diagnóstico e a análise ambiental para a xestión fluvial.