PERSOAL CRETUS

Olalla López Costas

Investigadora Ramón y Cajal
Departamento: Historia (Área Arqueoloxía)
Centro: CRETUS
Grupo de Investigación: EcoPast
Tel.: +34 8818 16007 /13315
Email: olalla.lopez@usc.es
Web Grupo: EcoPast

Olalla López-Costas é investigadora Ramón y Cajal e profesora do Departamento de Arqueoloxía da Universidade de Santiago de Compostela (USC). Desde 2015, é investigadora e profesora no Departamento de Arqueoloxía e Estudos Clásicos da Universidade de Estocolmo (Suecia).
Licenciada en Bioloxía, é doutora en Antropoloxía Física e Forense pola Facultade de Medicina da Universidade de Granada, onde continúa vinculada ao seu grupo de investigación. Leva máis de dúas décadas traballando en escavacións arqueolóxicas en España, Grecia e Portugal.
A súa principal liña de traballo é a reconstrución de estilos de vida, así como a relación entre os humanos e o medio ambiente, a través do estudo de restos humanos e necrópoles. Aínda que traballou en xacementos de todas as épocas, o seu foco principal céntrase nos períodos romano e medieval da Península Ibérica e Escandinavia. Ten formación en antropoloxía física, paleopatoloxía e estudos xeoquímicos, incluíndo isótopos estables e inestables. Tamén traballou na reconstrución paleoambiental mediante a análise de turbeiras e sedimentos de lagos, e en xeoarqueoloxía. Apasiónalle o estudo de textos e fontes históricas e o seu valor para a arqueoloxía.
Olalla é a investigadora principal do proxecto PollutedPast da ERC Consolidator Grant PollutedPast “Environmental metal pollution revealed in archaeological human remains” (nº10108783).
É unha firme defensora da ruptura das barreiras entre as disciplinas.

Liñas de investigación

• Reconstrución da dieta, a mobilidade e a contaminación por metais mediante restos arqueolóxicos humanos e animais.
• Estudo arqueométrico de necrópoles e áreas funerarias.
• Variabilidade normal e patolóxica do ser humano no pasado, principalmente enfermidades infecciosas e metabólicas.
• A infancia na época romana e medieval desde unha perspectiva multidisciplinar.
• Importancia do paleoambiente e os cambios ambientais nos procesos históricos.