Remediación e uso sostible do solo

Persoal Investigador

Capacidades

AVALIACIÓN DO SOLO

• Análise de parámetros físico-químicos, mineralóxicos e biolóxicos. Avaliación da fertilidade do solo.
• Indicadores da calidade do solo, funcións ambientais e servizos ecosistémicos. Avaliación da capacidade do solo para diferentes usos (aptitudes, limitacións e sensibilidade).
• Cartografía de solos. Sistemas de Información Xeográfica e Mapas Dixitais.

SECUESTRO DE CARBONO

• Caracterización da materia orgánica do solo e avaliación das reservas actuais de carbono e o seu potencial aumento.
• Estudo da estabilidade do carbono orgánico do solo mediante interaccións organo-minerais.
• Deseño de proxectos de secuestro de carbono e recuperación das funcións produtivas do solo mediante a remineralización e a alteración mineral incentivada.
• Materiais baseados en biocarbóns: análise e aplicacións en solos.

DEGRADACIÓN E CONTAMINACIÓN

• Estudo de solos mineiros, urbanos, industriais, agrícolas e outros fortemente afectados pola actividade humana
• Estudos da dinámica dos contaminantes no solo: metais pesados, contaminantes orgánicos persistentes, plaguicidas, plásticos.
• Predición da xeración de drenaxe ácida de minas, acidez neta potencial.
• Interacción de contaminantes cos compoñentes do solo: interacción organo-mineral, procesos de adsorción, riscos de lixiviación, especiación.
• Interaccións solo-planta: tolerancia, biodisponibilidade, bioacumulación/translocación, efecto rizosférico.
• Avaliación de impacto ambiental

REHABILITACIÓN AMBIENTAL

Rehabilitación de solos, augas e ecosistemas degradados ou contaminados

• Proxectos de restauración de zonas mineiras: escombrera, pozos de mina a ceo aberto e vertedoiros de residuos. Plan de seguimento e evolución a longo prazo.
• Deseño de tecnosolos “á carta” para a rehabilitación de solos, augas e ecosistemas degradados ou contaminados por actividades mineiras, obras civís e incendios recorrentes.
• Aplicación de biomateriais e nanominerais naturais e sintéticos para a retención de contaminantes orgánicos (pesticidas, colorantes, PFAS, etc.) e inorgánicos (As, Cu, Cr, Pb, Zn, Cd).
• Estratexias de descontaminación do solo baseadas en procesos biolóxicos: fitoextracción, fitoestabilización e biorremediación.

Proxecto PHYTOSUDOE (www.phytosudoe.eu/) de aplicación e demostración de estratexias innovadoras de fitoxestión en zonas contaminadas do espazo SUDOE.

Proxecto TEKURA (www.cretus.usc.es/9075/proyecto-tekura/) para a recuperación de solos, augas e ecosistemas dunha mina de uranio.