O pasado 18 de abril tivo lugar en Barcelona o arranque do proxecto REDUCE “Reducing bycatch of threatened marine megafauna in the East Central Atlantic”, un proxecto financiado pola comisión Europea a través do programa Horizon Europe, no que a USC participa como socio cos investigadores de CRETUS Sebastián Villasante, Gill Ainsworth, e Antía Campos.
O obxectivo xeral do proxecto REDUCE, que acaba de iniciarse e prolongarase durante catro anos, é abordar o reto da conservación mariña e a xestión sostible da pesca concretándose na busca de solucións para reducir a captura accidental de megafauna mariña no Océano Atlántico Centro-Oriental. Con respecto á labor do equipo do EqualSeaLab no proxecto, serán os que lideren o paquete de traballo sobre a planificación espacial mariña.
13 socios de 5 países (España, Portugal, Francia, Senegal e Reino Unido), conforman o consorcio:
- Universitat de Barcelona
- Universitat de Valencia
- Universidade de Coimbra
- Agencia Estatal Consejo Superior de Investigaciones Científicas
- Centro Tecnológico del Mar, Fundación CETMAR
- Institut de Recherche pour le Développement
- Associação Biopolis
- Universidade de Santiago de Compostela – CRETUS
- Centro Interdisciplinar de Investigação Marinha e Ambiental
- Partenariat Régional pour la Conservation de la Zone Côtière et Marine en Afrique de l’Ouest
- Datafish Technology Solutions S.L.
